عندما سأل الطاغوت من قصائد د- وليد الباز

لقاء أون لاين كتب:

<BLOCKQUOTE>

انا احترت فعلا في القصيدة هحاول افهمها علي قدر استطاعتي لان بصراحة مش جهبذاية في الشعر
بالرغم ان اختلطت كل الامور في القصيدة زي ماحضرتك قلت الحابل بالنابل
اتكلمت عن حال بلدنا من ديكتاتور مخلوع لثورة مضادة بتحاول تطغي علي ثورتنا لحدوث فتنة بين المسلمين وبعضهم وكل واحد فاكر انه علي حق
واتنقلت علي فلسطين والفتنة اللي بتحصل بين حماس وفتح وجمعت العرب كلهم في المهزلة والعدوان من رؤسائهم فيها اظن بتتكلم عن ليبيا وزعيمها الطاغي وسوريا والاخ فشار واليمن
حضرتك شرقت وغربت لغاية ماوصلت لبيت القصيد
وهو ان زعماء العرب اتفقوا علي شئ واحد فقط
التفنن في ذل الشعوب وقطع السنتهم وكان المعني ده
لماذا الكراهية؟
حررناكم
و قتلناكم
فاكرين اننا عايشين في عز ورفاهية ومعاملة ادمية
لكنهم سقونا الكراهية لنفسنا لاننا سكتنا ولهم لانهم اجبرونا علي السكوت
ومن الغباء انهم كلهم مستغربين عملنا ايه فيكم سؤال غبي فعلا
ده اللي انا فهمته من القصيدة واكيد المعني الاكبر في اسنان وضروس الشاعر
مبارك .......اناصاحب الضربة الجوية كأن هي دي كل انجازاته وكأنه كان هو اللي سايق الطيارة هههههه

بس بالمقارنة بباقي الطواغيت طاغوتنة لسه نونو بالنسبه لهم يعني ماعملش زي طاغوت سوريا وليبيا وتونس واليمن والبحرين
احنا فعلا شعب مبـــــــــــــــــارك من الله
فيه حاجتين ضد بعض عجبوني جدا
اولا لسه فيه ناس مغيبة وبيعملوا مظاهرة (رد الجميل )....ياجميل

نظم ما يزيد عن عشرين مواطناً وقفة احتجاجية على رصيف الكورنيش المواجه لمبني الإذاعة والتليفزيون، مساء الأحد، معبرين عن رفضهم الشديد لما أسموه إهانة الرئيس السابق حسني مبارك.

وحمل متظاهرو "عشرينية دعم مبارك" لافتات مكتوب عليها: "بنقولها بأمانة .. مبارك حمانا"، "كما رفعوا صور للرئيس السابق، مرددين : "بنحبك يا مبارك"، "البرادعي مين.. مبارك تاريخ سنين".

وأبدى أحد المؤيدين للرئيس السابق المحبوس على ذمة التحقيقات في اتهامات موجه إليه بشأن تحريضه على قتل المتظاهرين، استهجانه الشديد من حبس الرجل الذي خدم مصر على مدار 62 عاماً على حد قوله، مضيفاً: "حسني مبارك خدم في العسكرية المصرية وأعطى الكثير لمصر والمصريين، كيف بعد تاريخه الطويل نقوم الآن بإهانته".

كما استنكر الشاب الذي يبدو في العشرينيات من عمره ويحمل على صدره سلسلةً بها صورة الرئيس السابق، ما أسماه التضليل الإعلامي الذي يسعى لتشويه صورة حسني مبارك من أجل أهداف خاصة حسبما قال، مشدداً على ضرورة اعتذار الإعلام وثوار 25 يناير للرجل الذي حكم مصر على مدار ثلاثين عاماً بدلاً من محاسبته وحبسه.

تظاهرة تأييد للرئيس مبارك أمام مبنى التليفزيون

انا عن نفسي بقولهم

ملك التضحيات حسني البارك
1)جعل مصر رقم 1 في الكبد الوبائي
2)جعل مصر الاولى في السرطان
3)استورد لنا اكياس دم فاسده
4)غرقنا في العبارات وهرب اصحابها
5)استورد لنا القمح المسرطن
6)قضى تماما على دور مصر
7)سمعنا اغنية (بحبك ياحمار )
جاب لنا عصابة ال40حرامي
9)دعم الاقتصاد الاسرائيلي من دم الشعب المصري
ودي عجبتني جداااااا
اسمحلى اقولك انك انت اللى ضيعتنا

بعت البلد وناسها انت اللى فقرتنا
ذنب الشهداء فى رقبتك لو حتى مش امرتهم
انهم يقتلوهم بس انت اللى عينتهم
ونفسى اسالك واقولك ليه اخترتهم
دول ماكانوش وزراء دول كانول جلادين
نازلين نهب وسرقة فى الفقراء ومش عاتقين
كان ناقص يقلعونا ونمشى عريانين
عشان حضراتهم ياكلوا ويعوموا فى البيسين
وياريتهم كانوا هيرضوا دول حبة طماعين
باعوا واشتروا فى بلدنا وكانهم مش مصريين
مهما قولتو وكذبتوا برده مش مصدقين
ان فيكم حد برىء يا شوية منتفعين
وحتى لو هربتوا من محاكمة البنى ادمين
هتروحوا يعنى فين من رب العالمين
وعجبـــــــــــــــــــــــــــــي
اسفة للرغي</BLOCKQUOTE>

ا

أحمد كمال ابوالرجال كتب:

فعلا شعب مبـــــــــــــــــارك من الله
فيه حاجتين ضد بعض عجبوني جدا
اولا لسه فيه ناس مغيبة وبيعملوا مظاهرة (رد الجميل )....ياجميل
ـــــــــــــــــــــــــــــــــــــــــــــــــــــــــــــــــــ
لهم حريه الراى والتعبير ووجب علينا احترام الراى والتعبير لان هذه هى الحريه والديموقراطيه
بس واضح ان المظاهرات المؤيده عندها انيميا

أحمد كمال ابوالرجال كتب:

فعلا تستطيع أن تخدع بعض الناس كل الوقت
و تستطيع أن تخدع كل الناس بعض الوقت
و لكنك أبدا لا تستطيع أن تخدع كل الناس كل الوقت
ــــــــــــــــــــــ
لك جزيل الشكر يادكتور وليد
واشكرك على تعليقك
ودائما اتابع مواضيعك وانتظر مشاهده المزيد لكى نستفيد من اشعارك التى كنا نتابع عبر الصحف المصريه سابقا