الاجرة زادت ياناس

بوسى كات كتب:هنعمل ايه كل حاجة بقت غالية في البلد دي

كل يوم بروح المدرسة في امانة الله مافيش مشاكل اجي اروح المدرسة امبارح الاقي الاجرة زادت ربع جنيه يعني هنعمل ايه نشحت
ولا الموظفين اللي كل يوم بيسافروا هيعملوا ايه لماالاجرة بقت بجنيه واحنا الطلبة كل يوم عندنا مدرسة وعندنا دروس برة البلد هنعمل ايه
وبيقولوا ان ازمة جاز طيب واحنا مالنا
لازم ادارة المنتدي تعمل شكوي وتوصلها للمحافظ والاكده مش هينفع
الناس اللي بتسافر كل يوم لوفي بيت اربع افراد كلهم بيسافروا والاب موظف هيعملوا ايه يسرقوا
انا كرهت الثورة دي وكرهت اللي عملوها ماحنا كنا عايشين في امان الله
نقوم نلاقي كل حاجة بقت غالية ياريت ترجع ايام الرئيس كنا مبسوطين وعايشين في امان
الموظف الغلبان هيعمل ايه بقي الوقتي مرتبه هيروح فين ولافين
لازم تعملوا شكوي للمحافظ او تعملوا مظاهرة علي السواقين محدش يسكت والا البلد هتولع باللي فيها [ندعوك للتسجيل في المنتدى أو التعريف بنفسك لمعاينة هذه الصورة]

د هانى عيد الحداد كتب:مشكور دكتور وليد
كنت داخل اقول نفس الكلام اللى انت بتقولة
وان كان الموضوع يدعوا للتعاطف
ولكن سب الثورة والحنين للماضى وما قبل الثورة يعد وحدة جريمة
حتى لو اضرتنا الثورة بعض الشئ .. لابد ان نتحمل ونصبر ونواجة المشاكل .
.. لم تأتى الثورة ثمارها بعد ..

لقاء أون لاين كتب:أكيد مش كل كارثة تحصل في البلد يكون سبهبها الثورة

بالعكس المفروض الثورة تعلم الناس انهم يبطلوا سلبية
ويطالبوا بحقوقهم
بخصوص الاجرة اللي زادت
انا شفت كل الناس مش معارضة
والبعض اللي بيعارض بيكون شخص لوحده فقط
يعني عايزين الايدين تتحد
السواقين بيضحكوا علي الناس وبيقولوا ازمة جاز

يعني العيب مش في زيادة ارتفاع الجاز المشكلة في قلته
وسمعت بعض السواقين بيقولوا هترجع الاجرة تاني لما الجاز يزيد
وطبعا ده كذب
علي فكرة فيه ناس كلموني وبيقولوا مش المنتدي بتاعكم المفروض بيحل المشاكل ماتروحوا للمحافظ وبنفس اللهجة والاسلوب
سهل جدا ياجماعة اننا نروح للمحافظ وخصوصا انه لسه جديد والناس كانت رفضاه فاكيد هيحاول يسمع لمطالبنا
بس تفتكروا قرار المحافظ كفاية
لاأظن ذلك
هفضل اكررها مليون مرة
العيب في الناااااااااااس
هم اللي اتعودوا علي الخوف
وكل واحد بيقول اشمعنا انا اللي هتكلم
انا عن نفسي حاولت وطبعا ايد لوحدها ماتصقفش