لوعملنا ثورة هنبقي عراق تانية ........طيب لو ماعملناش

محمد عادل كتب:واللة يا اختى انتى مشكورة على حماستك ويا رب دائما بنفس الحماسة وفى تقدم بس بالنسبة لموضوع الثورة احنا اتكلمنا فى الموضوع دة قبل كدة وقولنا ان المشكلة امتدت لكل حاجة فى البلد عايزة تعرفى وانتوا اساسا كلكو عارفين زى اية زى الوزير اللى بيعين بالواسطة & زى عسكرى المرور المرتشى & زى الموظف اللى بيعقد فى البنى ادمين علشان ما يخلصشى مصالحهم & زى السجون والمعتقلات اللى انتوا عارفين بيتعمل اية فى الشباب فيها & زى اللى بيحاربوا الاخوان المسلمين وبيقولوا عليهم ارهابيين وزى وزى وزى وزى ياة كتير اوى فى مصر بس فى الاخر كلة بيقول يا عم وانا مالى فلو عايزة تحلى المشكلة ابداى بتتغير الكلمة دى فى نفس كل واحد الاول والتغيير هيبقى جذرى وكمان انا اعتقد انة لو فية تغيير هياخد سنين لحد ما نحس بية عارفيين لية علشان زى ما بنشوف فى الافلام وانا رايى ان الكلام دة واقعى ( اللى مالوش خير فى حاتم مالوش خير فى مصر ) واللة المستعان

علاء سعد كتب: اللة .....................................وبدات المعركة

سؤال الى اختى ................لقاء اون لاين

انتى فين ............................. يوم 25 يناير


كلامك صح بس فى مشكلة دية مصر ............ وانا مع التغير بس من غير السجون والمعتقلات

وعن سؤالك ...هنبق زى مين ....عمر مصر مهتبقى العرق ..و.. لبنان ...و السودان ..مصر ام الدنيا

وانا معكى فى فساد فى كل مكان فى مصر من زمن اوى بس التغير ازى من غير ما شوف شاب يشعل النار فى نفسة او اخت او واحد من شعب مصر فى السجون ...انشاء اللة القادم احسن علشان مصر

واخر مشكورة يا اختى على هذا الموضوع .............

[color=blue] نورت موضوعي
هقول لحضرتك انا يوم 25يناير باذن الله هكون فين
طبيعي مش هنزل الشارع مع المتظاهرين لسببين
الاول ان ده ضد طبيعتي وانا اخجل من اني امشي وسط ناس واتكلم بصوت عالي واطالب بالتغيير
الثاني حضرتك ناسي اننا حتي لووصلنا لاعلي مستوي تعليمي لكن مازلنا قرويين علي الاقل اهالينا ضد نزولنا الشارع لعمل مظاهرة وبالذات اذا كان اللي همشي في الثورة بنت ممكن يقبلوا انهاتتفرج علي زفة فرح ..... مولد
لكن تعبر عن رايها من خلال مظاهرة ده من عاشر المستحيلات ممكن ده يحصل في بلادنا بس في الافية الرابعة اوالسادسة
لكن انا بعمل اللي ربنا يقدرني عليه في شغلي وبحاول احسن من نفسي ومن مستواي العلمي والحمدلله بعمل اللي بيمليه علي ضميري في شغلي وبحاول اخللي كل زملائي في شغلي يكونوا علي نفس المستوي والضمير اليقظ
وربنا يقدرني
بالنسبة ان مصر هتفضل ام الدنيا ده كلام علي العين والراس لانه مش ام الدنيا لالالا لان ربنا كرمها في القران[/color]

ومش لازم واحد يشعل النار في نفسه علشان نتحرك لاننا لوفضلنا ساكتين

هتلاقي الحكومة بكل بجاحة بتوزع جيركن جاز وكبريت في افران العيش

هو في ناس خايفة من التغيير ليكون للاسوا وشايفين الموضوع من زواية نحترمهم جدا عليها

لان كلنا في الاخر هدفنا واحد مصر تبقى احسن بلد في الدنيا

يا سلام بقى لو نتحد على كلمة واحدة في وش الفساااااااااااااد هنبقى باذن الله من احسن بلاد الدنيا
[ندعوك للتسجيل في المنتدى أو التعريف بنفسك لمعاينة هذه الصورة]

احمد ابوالرجال كتب:

اعتقد بثورة او غير ثورة لن يحدث تغيير
وارجوا من الجميع ان لا يعتبر هذة سلبية منى
ولكن لنكون واقعيين
اولا
لازم كل شخص يبدا بنفسة للاصلاح
يعنى لازم يبقى فية ضمير
ثانيا
لو نشوف الخطاء فين هنعرف بان الخطأ من الاصغر الى الاكبر
بصراحة احنا شعب معظمة همجى وليس منظم
وعن تجربة لاحظتها ورايتها من خلال سفرى واحتكاكى ببعض المصريين بالمطارت والموانئ
وعلشان البلد تكون كويسة
لازم يكون فية ضمير
وعند الصغير قبل الكبير وعند المواطن قبل المسؤل
انما ثورة وغيرة
مش هيحصل تغير باذن الله الا
ان يرسل الله رسول من عندة يحكم
وندعوا الله ان يولي من يصلح

احمد عيد الحداد كتب:الموضوع رااااااااااائع
بجد
وسبحان الله جاى فى وقت أنا بكتب فيه فى قصيدة
وقربت انتهى منها
وسوف يتم رفعها على المنتدي
قريباااااااااااااااا
بس يا ريت تكون ردا شافيا للموضوع
ومشكووووووووورين
واختلاف وجهات النظر لا تفسد للود قضية
فالرأى والرأى الاخر
للوصول لأفضل الردود

علاء سعد كتب: الى اختى .......................................... لقاء اون لاين


انا واللة .............................................. معاكى


لازم التغير........................................... بس من غير سجون


وانشاء اللة.....................................مصر بخير


التغير ...........................جاى جاى جاى

محمد عادل كتب:الموضوع دة على فكرة شيق جدا والاقبال بسم اللة ما شاء اللة علية واضح لان ان شايف ان دة مشكلة بلد باكملها مش 1 ولا 2 ولا حتى مليون بس اية العمل واللة يا جماعة لابد من التغيير بس ازاى وعلى الفكرة الكلام سهلا جدا بس التنفيذ هو اللى صعب ببساطة التغيير اكيد لازم يترتب على الاتحاد والاتحاد لازم يضم كافة فئات الشعب كلام جميل بس فى نقطة يا جماعة واللة الناس مطحونة فى مصر دة فى ناس مش عايشة اساسا ومفيش حد حاسس بيها صح ولا انا كلامى غلط الناس دى رغم كدة بتخاف وثلاث ارباع البلد بتقولوا وانا اعمل اية وبنكتفى بس اننا نقول حسبنا اللة ونعم الوكيل وغير كل دة الافتراء موجود فى الحكومة والشرطة والبلد بيحكمها الحديد والناس ومفيش اكتر من السجون فيها وابشع الطرق للاهانة واذلال النفس انا شايف ان دى اسباب كافية لسكوت الناس ورغم دة الشعب المصرى اطيب شعب فى الدنيا دة الراجل الغلبان بياكل عيش بس هو وولادة ويقول الحمد للة وينام ولو سالتة انت عامل اية يقولك واللة الحمد للة مستورة وبالمصرى دة رضا فهمتوا كسرة النفس وصلت لفين فاية الحل يا اخوانا وانا واللة على فكرة مش بكسر المجاديف بس هى دى الحقيقة وعلى العموم احنا نفسنا ان مصر تبقى احسن بلد فى الدنيا ونحل كل المشاكل دى اسف على الاطالة

احمد عيد الحداد كتب:أخوانى الكرام
كلامكم جميل جدا ..........بجد جميل
والأجمل إنه طالع من القلب ويحمل معانى وأحاسيس جميلة أوى
ويحمل معنى أكبر - حب الوطن
اللى تقريبا مشفناش منه حاجة
بس بنحبه - وده بالفطرة الجميلة بتاعتنا
عارفين - لما الحكومة معدش عندها اى حلول لشعبها ... فكرت
وفى عقل بالها قالت - احنا أو ظروف البلد طين والشعب مطحون
وهنعمل إيه
خلاص خلى الشعب يقول اللى هو عاوزة
تلاقى كل البرامج تتنافس على اظهار كل اللى بداخل الشعب
وعارفين ؟
حكومة ذكية - جداااااااااااااااااااااااااااااااااااااااااااااااااااااااااااااا
عارفين ليه ؟ قالك لما أخلى الشعب يتنفس من خلال 5/6 برامج حوارية على بعض القنوات
أهوووو يخرجوا اللى عندهم
لو مفيش ده ....... يحصل انفجار فى الشارع ومظاهرات زى زمان
حتى تلاقى اليومين دول فكرة المظاهرة تحسها بأت قديمة
هههههههههههههههههههه
الكل بيقول فى نفسة (( كل حاجة عاوزين نقولها بتتقال على القنوات )) طيب هنخرج نقول إيه ؟؟؟؟
وده نوع من السلبية !!!!!!!!!!! أكيد
بس الفرج جاى جاى - وربنا يكرم بلدنا الحرة دى
************
عنوان قصيدتى هو ((( العلم نور والجهل أنا )) يا رب تعجبكم
بصدد الرفع
وياااااااااااااااااااااااااا رب يكون كلامى زى ما خرج من قلبى وصل ليكم