ياترى هتعمل ايه وقت الخسوف....!!!!!!

Amr Mahmoud IBrahiem: Admin; الساعه الان :
عدد المساهمات : 779
نقاط : 1760
تاريخ التسجيل : 07/05/2011
العمر : 41
الموقع : ديسط

مساهمة رقم 1

ياترى هتعمل ايه وقت الخسوف....!!!!!!

من طرف Amr Mahmoud IBrahiem الأربعاء يونيو 15, 2011 5:28 pm

ياترى هتعمل ايه وقت الخسوف....!!!!!!ـ طبعا في ناس هتصور...وناس في البلكونات ....وواحد هتلاقيه ماسك الموبايل بيفشر عالجو بتاعه يقولها انتي القمر اللي في حياته..........لا ياشيخ...وهو تلاقيه مصاحب المجرة كلها...ما علينا........(: (:ـ احنا بقى يا ...جماعة مش عايزين ننسى صلاة الخسوف يوم الأربع............. هتقولي يا راجل صلى عالنبي ده .....قال خسوف قال.....انتى لسة قايل...هتصور...وقمر...و... هقولك عليه الصلاة والسلام ....ماهو النبي عمل كده واحنا المفروض نعمل زيه ....وبعدين علماء الفلك بيقلك الخسوف الكلى ده مش هيحصل تاني الا بعد 65 سنة ... يعني ينفع كده تقول لابنك (ده اذا كنت عايش ووصلت 82 سنة) انا سمعت عن صلاة الخسوف يبني أيامنا بس ما شاركتش فيها.......هيبصلك كده.......طبعا انت تاخدك الحماسة وتقوله ...بس أنا شاركت في الثورة...): ـ عموما احنا بنصليها ليه...!! احنا بنصليها عشان الرسول صلى الله عليه وسلم (ما تصلي عليه ياض انت وهو) ....صلى الله عليه وسلم.....أيوة كده خليك أونلاين معايا عشان أحبك....:ــ Smile

أمر بها رسول الله صلى الله عليه وسلم بقوله :"إن الشمس[والقمر آيتان من آيات الله،لا تخسفان لموت أحد ولا لحياته،فإذا رأيتم ذلك فصلوا الرسول قٌالك ده اية من أيات ربنا ...يعني ربنا جل وعلى بيورينا قدرته ....عشان كده الصلاة ده بنطول فيها من الركوع عشان نطول شوية في التسبيح ..... طب نصليها ازاي.....!! بص يا موهبة الموضوع بسيط خالص إنت هتنزل المسجد وتصلى العشاء جماعة وبعدين هيصلو الخسوف.......ركز في اللي جاي بقى... صلاة الخسوف ملهاش أذان ولا إقامة يعني الامام هيكبر ويقرا الفاتحة وسورة من القران وبعد كده يركع ركوع طويل شوية ما يعادل 100 تسبيحة يعني انت هتقول سبحان ربي العظيم 100مرة............(ياااه كتير قوي......هما 4 دقايق متعش عليا)....وبعدين هيقوم من الركوع ...ركز في ده بقى... بعد ما يقوم من الركوع ..هيعمل ايه...هيسجد طبعا.... لا غلط ... Razz

هيقرا الفاتحة وسورة تاني وبعد كده وهيركع ويسجد السجود العادي ويقوم الركعتين التانيين نفس النظام ....ايه ده بقى...هي صلاة الخسوف كده.... يا عم متخوتناش بقى..يخرب بيت......... شايفك ياللي بتشتم ...ربنا يسامحك. الموضوع سهل أنا برسيك بس لحسن تروح تصلى تفتكر إن الإمام مهيبر ولا شارب حاجة تروحله بعد الصلاة تقوله انا عايز من الصنف ده....(: ــ نراجع مع بعض:تكبير الفاتحة وسورة ...ركوع...الفاتحة وسورة...ركوع...سجدتين...الركعة التانية الفاتحة وسورة ...ركوع...الفاتحة وسورة...ركوع ...سجدتين ...التشهد ..خلصت الصلاة بقلك ايه خليك انت مع الناس وتبقى زي الفل (: وياريت كمان لو تصوم الايام البيض اللي هما الاربع والخميس والجمعة الجايين...ولو مش قادر خليك في

الخميس وانوي بيه يومين اللي هو صيام الخميس ونية يوم من الايام البيض.....اتنين في واحد....لوز العنب يعني اه...ومتنساش تدعيلي

.

لقاء أون لاين

لقاء أون لاين: Admin; الساعه الان :
عدد المساهمات : 1028
نقاط : 1188
تاريخ التسجيل : 20/01/2011

مساهمة رقم 2

رد: ياترى هتعمل ايه وقت الخسوف....!!!!!!

من طرف لقاء أون لاين الخميس يونيو 16, 2011 11:07 pm

الدعاء في الخسوف :
قال رسول الله صلى الله عليه وسلم :
الشمس والقمر ايتان من ايات الله لا ينكسفان لموت احد ولا لحيائه فــإذا رأيتموهما فادعوا الله وصلوا حتى ينجلي

ديـــــــــسط أون لايــــــن

ديـــــــــسط أون لايــــــن

ديـــــــــسط أون لايــــــن

ترحيب

فيلم ديسط

المواضيع الأخيرة

المواضيع الأكثر شعبية

ياترى هتعمل ايه وقت الخسوف....!!!!!!

ياترى هتعمل ايه وقت الخسوف....!!!!!!

رد: ياترى هتعمل ايه وقت الخسوف....!!!!!!

مواضيع مماثلة

مواضيع مماثلة