عم جمعة ............ وفرح فى الحارة

أحمد كمال ابوالرجال: Admin; الساعه الان :
عدد المساهمات : 1530
نقاط : 2428
تاريخ التسجيل : 30/12/2010
العمر : 43

مساهمة رقم 1

عم جمعة ............ وفرح فى الحارة

من طرف أحمد كمال ابوالرجال الإثنين يناير 24, 2011 4:51 pm

ده زجل فكاهى كده على الماشى يا ريت يكون دمه خفيف على قلبكم عم جمعة ............ وفرح فى الحارة Rolleyes

عم جمعة
********

عم جمعة ده راجل بقال
كل يوم تلاقيه ف حال
مرة يكسب 5 جنيه ومرة يكسب 5 ريال

عم جمعة ده راجل امين
تشترى منه الحاجة بقلب متين
عشان كده لا يخاف لا صحة ولا تموين

عم جمعة ده راجل نضيف
لا يعرف لا غش ولا تزييف
نشترى منه جبنة وحلاوة ونشترى كمان البولوبيف

عم جمة يصرخ وينادى
مشى يا واد انت م النحية دى
العب بعيد عن دكانى
ده جواه رزقى ورزق عيالى

عم جمعة الساعة 2
يجيلوه بالغدا ابنه حسين
بطاطس وبدنجان مقلى والحلو برتقانتين

عم جمعة ده راجل غلبان
عنده 7 من الولد يا عينى
منهم احمد وزينب وعتمان

عم جمعة يروح بيته
عايشة معاه امه وحماته
زى الديوك ناقر ونقير والله كفاية عليه مراته

عم جمعة ينادى يا لوزة
قومى قوام هاتيلى الجوزة
اخدلى نفسين معسل وبعدها امدد واعسل

عم جمعة ده حكايته حكاية
كل يوم قصة ورواية
وهنعمل معاه ايه ده حكايته حكاية

فرح فى الحارة
*************

هيصة وزيطة ف قلب الحارة
اصل النهاردة فرح بنت الجارة
اعلام وزينة والوان
وحاجات حلوة كمان وكمان

جوه البيت الكل بيجرى
باين عليهم اتاخروا ع المجرى
اللى تصب الشربات ف كبابى
واللى تعلى صوتها وتنادى
فين الحنة والبخور ؟
اصل الليلة ليلة سرور

ناس بتنم وناس بتذم
واللى تمصص تمصيص
واللىتقول ده قماش رخيص

وناس بالخير عمرانة قلوبهم
خايفين يزودوا ذنوبهم
بيقولوا بصوا ع الموبيليا
فعلا حاجة جميلة وهايلة

جايبين كوافيرة للعروسة ف البيت
تعمل لها كحكة زوزو وزنبليط
وواحدة بتدى العيال بنبونى
اخدلى واحدة الا ينسونى

ناس ف المطبخ عمالة تطبخ
وناس تانية عاملة تنفخ
فيه ايه حصل ايه ؟
مش عارفين العريس اتاخر ليه ؟

صوت الزمارة من اول الحارة
جت عربية تعبانة ومشخعلة
كل حتة فيها مخلعة
جواها العريس ع سنجة عشرة
اكنه رايح يقرا النشرة

ابو العروسة اتاخرت ليه يابنى ؟
معلش يا عمى اصلها دايما تتعبنى
عطلت منى ف وسط السكة وخليت عربية كارو تسحبنى

وشكرا